Fréttir

Umf. Smárinn, í samvinnu við Hörgárbyggð og Arnarneshrepp, er að koma sér upp æfingahlaupabraut við Þelamerkurskóla. Á hlaupabrautinni er gerviefni, eins og á fullkomnustu hlaupabrautum. Hún er rúmlega 80 m löng með þrjár brautir. Undir henni er snjóbræðslukerfi. Æfingabrautin mun gjörbreyta til batnaðar æfingaaðstöðu iðkenda Smárans í spretthlaupum og langstökki. Frjálsíþrótta...

Í vinnureglum fjallskilanefndar Hörgárbyggðar er eftirfarandi ákvæði um undanþágu frá gangnaskyldu ef fé er haft í girðingu sumarlangt:  “Undanþágur frá gangnaskyldu er ekki veittar nema viðkomandi fjáreigandi hafi allt sitt fé í girðingum sumarlangt, enda séu þær sauðheldar að mati sveitarstjórnar.” Þeir sem telja sig falla undir þetta ákvæði að þessu sinni þurfa að sækja um undanþágu ...

Menningarráð Eyþings hefur auglýst eftir umsóknum um styrki á grundvelli samnings menntamálaráðuneytisins og samgönguráðuneytis við Eyþing frá 27. apríl 2007. Tilgangur styrkjanna er að efla menningarstarfsemi og menningartengda ferðaþjónustu á svæði Eyþings. Um er að ræða aukaúthlutun á þessu ári. Þau verkefni sem fá forgang að þessu sinni þurfa að uppfylla eitt eða fleiri eftirtalinna ...

Hafin er vinna við endurbætur á félagsheimilinu Hlíðarbæ. Anddyri hússins verður breytt verulega og snyrtingarnar endurgerðar frá grunni. Þar sem nú er fatahengi í anddyrinu verður útbúin setustofa og fatahengið fært til og minnkað. Gerð verður aðstaða til að bera fram veitingar í anddyrinu, þannig að unnt verður að nota anddyrið fyrir samkomur án þess að aðalsalurinn sé opnaður. Hö...

Miðaldastemming mun ríkja á Gásum helgina 19. og 20. júlí kl. 11-17. Á laugardeginum kl. 12:30 mun Svanfríður I. Jónasdóttir, bæjarstjóri Dalvíkurbyggðar, bregða sér i gervi héraðshöfðingja og setja kauptíðina á Gásum að fornum sið og sönghópurinn Hymnodia syngur lög frá miðöldum. Að því loknu gefst gestum miðaldadaganna kostur á því að upplifa starfshætti og menningu síðmiðalda. Kaupmenn og...

Sveppurinn jötungíma birtist fyrir ofan Þríhyrning í Hörgárdal fyrir um mánuði síðan. Hann var óvenjusnemma á ferðinni í ár, en flest árin síðan 1988 hefur hann látið sjá sig þar. Þessi sveppur vex aðeins þremur öðrum stöðum á landinu svo vitað sé. Hann er stærsti sveppur á Íslandi og getur orðið yfir 60 sm í þvermál. Myndin til vinstri er tekin fyrir nokkrum dögum af einum sveppanna í Þríhyr...

Tillaga að aðalskipulagi Hörgárbyggðar liggur nú frammi á skrifstofu sveitarfélagsins og auglýst hefur verið eftir hugsanlegum athugasemdum við hana. Ekki hefur verið í gildi neitt aðalskipulag fyrir Hörgárbyggð svo að um er að ræða merkan áfanga í skipulagsmálum sveitarfélagsins. Vinna við gerð aðalskipulagsins hófst haustið 2005 og hefur hún staðið með hléum síðan. Athugasemdafres...

Hafin er vinna við endurbyggingu á 4,5 km löngum kafla á Dagverðareyrarvegi, frá Hringvegi að Hellulandi. Verkinu lýkur með klæðningu á veginn. Því mun ljúka síðsumars. Verktaki er GV-gröfur ehf. á Akureyri. Þá styttist í að hafin verði endurbygging Hörgárdalsvegar frá Björgum að Skriðu. Samið hefur verið við Árna Helgason ehf., Ólafsfirði um fyrri áfanga verksins, sem er frá Björgum að Hólkoti. S...

Í gær hófust framkvæmdir við umfangsmiklar endurbætur á sundlauginni á Þelamörk. Samið hefur verið við verktakafyrirtækið B. Hreiðarsson ehf. um að vinna verkið. Verksamningurinn hljóðar upp á 105,6 millj. kr. Í honum felst m.a. að byggja tækjaklefa, eimbað og tvo heita potta, breyta sundlaugarkarinu, setja upp ný stýrikerfi og bæta við öryggisbúnaði. Verkinu á að vera lokið 1....

Á miðvikudaginn byrjaði sláttur sumarsins í Hörgárbyggð, þegar slegið var á nokkrum bæjum. Tíðin hefur verið góð að undanförnu og spretta því víða orðin ágæt. Auðbrekku- og Þríhyrningsbændur voru að hirða í fyrstu rúllur sumarsins í dag og þá var myndin til vinstri tekin (stærri mynd undir). Þar sést að störfum splunkuný mjög öflug baggavél sem þeir eiga ásamt Stóra-Dunhagabændum....