Jósavin Arason
Vísnasafn Hörgársveitar
Jósavin Arason
fæddur 1953, frá Auðnum, búsettur í Arnarnesi.
Síðsumars ljóð 2009
Húmar núna haustið að
hægir vindar líða,
skýin færast stað úr stað
stillt er haustsins blíða.
Í austri roða eru ský
engin snjór til fjalla,
upp er sólin rís á ný
og endurvekur alla.
Blámi himins bjartur er
bjartar stjörnur skína,
núna sjórinn sýnist mér
sinn fagra spegil sýna.
Í Öxnadal
Við Öxnadalinn dáum öll
dýrð þá er við sjáum
er glampar sól á fögur fjöll
frið í sálu fáum.
Hár er dranginn dalnum í
dulúð sína hefur,
ástarljóðin orti því
ástmögur er sefur.
Í hlíðum falla lækir létt,
leita ár til niður,
hafa ferðamenn nú frétt
að fram í dal er friður.
Sauðahjarðir sjást á beit,
sællegar og feitar.
Gjöfult er í gróðurreit,
gefur þeim er leitar.
Þó í dalnum fólk sé fátt
flestu áfram miðar,
hversdags lífið glettið grátt
gegnum aldir niðar.
Skírnarljóð
Þú borin ert að skírnarskál,
skírt er nafn þitt litli drengur.
Fölskvalaus er þín svo sál
silfurtær sem kristalstrengur.
Þú lifa skalt í tryggri trú
og treystu á hið góða.
Veldu lífsins bestu brú
og blessun kærleiks bjóða.
Þér jákvætt fylgi hugarfar
þá frjáls þú verður í sessi.
Og vertu indæll allstaðar
alltaf þig drottinn blessi.
Ýmsar tækifærisvísur
Ort við þorraborð
Hér við smökkum súrmat svið
sýrðan hval og punga.
Af öðru betra kýlum kvið
kátir af auknum þunga.
15. september 2006: Haust
Haustsins mildi blíði blær
bjartsýni oss gefur.
Spegilsléttur sést nú sær
sólskin skinið hefur.
Örvar bað um vísu
Þú flott í gegnum lífið flýtur
og fín er öll þín ætt.
Illa liðinn og einskis nýtur
og sálin sundur tætt.
Í veislu:
Ekki á ég orðið orð
yfir þessa setu:
Enn er borið öl á borð
þó engin hafi getu.
Skrifað á tóbakspontu hjá Stebba
Nú skaltu eiga ástarfund,
oft með henni vaka.
Eiga núna nautna stund
í nefið úr henni taka.