Fréttir

Vetraropnun hefst laugardaginn 28.8.2021. Sjá auglýsingu um opnunartíma.

Sveitarstjórn Hörgársveitar samþykkti umhverfis- og loftlagsstefnu Hörgársveitar ásamt aðgerðaráætlun á fundi sínum þan 18. júní 2021. Aðgerðaráætlun verði uppfærð við fjárhagsáætlunargerð hvers árs.

Á fundi sveitarstjórnar Hörgársveitar 18.6.2021 var eftirfarandi samþykkt gerð: Hagverk ehf, samningur vegna varmadæluvæðingar Lagður fram samningur við Hagverk ehf. vegna ráðgjafavinnu við varmadæluvæðingu í Hörgársveit, sem eigendum íbúðarhúsa, þar sem ekki er hitaveita, verður boðið uppá endurgjaldslausa ráðgjöf. Sveitarstjórn samþykkti samninginn og að sent verði kynningarbréf til ofangreindra aðila sem allra fyrst.

Sveitarstjórn Hörgársveitar ákvað að tillögu skipulags- og umhverfisnefndar að umhverfisverðlaun Hörgársveitar 2021 hljóti Jónasarlundur í Öxnadal. Sveitarstjórn fór 18. júní s.l. og hitti stjórn Jónasarlundar og afhenti þeim viðurkenningu í tilefni af valinu. Á myndinni sem tekin er í lundinum, er sveitarstjórnin ásamt stjórn Jónasarlundar.

Ársreikningur Hörgársveitar 2020 var samþykktur á fundi sveitarstjórnar 29.apríl 2021. Sjá helstu niðurstöður:

Skýrsla ásamt fylgigögnum frá Verkfræðistofunni Eflu um hagkvæmniathugun á lagningu hitaveitu í Hörgárdal.

Föstudaginn 19. mars 2021 var opnuð ný 150 fm deild í leikskólanum Álfasteini sem inniheldur líka sérkennsluherbergi og glæislegan sal með aðstöðu fyrir hreyfingu og samveru. Í ljósi aðstæðna var opnunin lágstemmd í þetta skiptið og við gátum því miður ekki boðið foreldrum og öðrum íbúum að vera með okkur. Stefnt er á að hafa opinn dag í leikskólanum í vor og vonandi munu þá verða betri aðstæður til þess allir sem vilja geti komið og skoðað þessa glæsilegu aðstöðu.

Skipulags- og umhverfisnefnd vill gjarnan fá álit ykkar og afstöðu varðandi ýmsa þætti í umhverfismálum. Eftirfarandi könnun er liður í vinnu nefndarinnar við gerð umhverfisstefnu fyrir sveitarfélagið.

Á fundi sveitarstjórnar í október 2019 var skipulags- og umhverfisnefnd falið að vinna umhverfisstefnu sveitarfélagsins. Vinna fór rólega af stað 2020 og í lok árs samþykkti sveitarstjórn á ráða Sif Jóhannesdóttur sem verkefnisstjóra við gerð stefnunnar. Hún mun starfa með skipulags- og umhverfisnefnd, hafa umsjón með íbúasamráði og sinna öðru því sem lýtur að gerð stefnunnar. Í stefnunni mun birtast framtíðarsýn sveitarfélagins í umhverfismálum. Meðal viðfangsefna stefnunnar verða loftslagsmál, sorpmál og landnýting. Við gerð stefnunnar verður höfð hliðsjón af þeirri stefnu sem birtist í nýlegu aðaskipulagi sveitarfélagsins, landskipulagsstefnu og öðrum þeim stefnum og lögum sem tengjast eða skarast við innihald umhverfisstefnu. Leitað verður eftir viðhorfum og innleggi frá íbúum, með íbúafundi (eða fundum), könnun og drög að stefnunni verða birt á heimasíðu sveitarfélagsins. Íbúar geta hvenær sem er í ferlinu sent inn athugasemdir eða ábendingar á netfangið horgarsveit@horgarsvit og merkja það umhverfisstefna. Stefnt er að því að stefnan verði tilbúin í maí 2021.

Hörgársveit hefur hlotið jafnlaunavottun sem er staðfesting á því að jafnlaunakerfi sveitarfélagsins samræmist kröfum jafnlaunastaðalsins ÍST 85:2012. Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði.