Lónsbakkahverfi, hringtorg og land Lónsár og Berghóls.
Lónsbakkahverfi, hringtorg og land Lónsár og Berghóls – auglýsing aðal- og deiliskipulagstillögu
Sveitarstjórn Hörgársveitar samþykkti á fundi sínum 19. apríl 2024 að vísa aðal- og deiliskipulagstillögu fyrir land Lónsár og Berghóls í Lónsbakkahverfi í auglýsingu skv. 1. mgr. 31 gr. og 1. mgr. 41 gr. skipulagslaga nr. 123/2010.
Aðalskipulagsbreytingin felur í sér að hluta lands Lónsár er breytt úr verslunar- og þjónustusvæði í íbúðarsvæði, aðkomuleið að lóðinni Lónsbakka er bætt við skipulagsuppdrátt og götutenging milli Lónsvegar og Sjafnargötu á Akureyri er felld út. Auk þess er svæði fyrir samfélagsþjónustu (S1) stækkað til norðurs. Bætt er við reit fyrir verslun og þjónustu við Hörgárbraut. Deiliskipulagsbreytingin felur í sér að skilgreindar eru íbúðarlóðir fyrir einbýlis- og fjölbýlishús í landi Lónsár þar sem áður var gert ráð fyrir ferðaþjónustulóð. Gert er ráð fyrir að götutenging lóðarinnar Lónsbakka breytist á þann hátt að innkeyrsla verði framvegis yfir lóðina Berghól B. Þá er hringtorg á Þjóðvegi 1 við gatnamót Lónsvegar fært inn á deiliskipulag.
Skipulagstillögurnar eru aðgengilegar á sveitarskrifstofu Hörgársveitar, Þelamerkurskóla, milli 3. júní og 15. júlí 2024 á heimasíðu Hörgársveitar, www.horgarsveit.is og á vef Skipulagsgáttar, www.skipulagsgatt.is undir málsnúmerum 261/2024 (aðalskipulagsbreyting) og 262/2024 (deiliskipulagsbreyting). Þeim sem telja sig eiga hagsmuna að gæta er hér með gefinn frestur til 15. júlí nk. til að gera athugasemdir við skipulagstillögurnar. Hægt er að koma athugasemdum á framfæri undir málunum á vef Skipulagsgáttar með innskráningu rafrænna skilríkja. Frekari upplýsingar er hægt að nálgast hjá Skipulags- og byggingarfulltrúa Eyjafjarðar, Skólatröð 9, 605 Akureyri, eða í tölvupósti á netfangið sbe@sbe.is.
Skipulags- og byggingarfulltrúi