Fundargerð - 18. júní 2009
Fimmtudaginn 18. júní 2009 kl. 11:40 kom framkvæmdanefnd Þelamerkurskóla saman til fundar í skólanum. Á fundinum voru Axel Grettisson, Helgi Bjarni Steinsson, Ingileif Ástvaldsdóttir og Guðmundur Sigvaldason, sveitarstjóri, sem skrifaði fundargerð.
Þetta gerðist:
1. Starfsmannamál
Gerð grein fyrir fyrirhuguðum breytingum á starfsmannahaldi í mötuneyti næsta vetur.
Að loknum umræðum samþykkti framkvæmdanefndin þær breytingar sem gerð er tillaga um.
2. Ráðstöfun íbúða
Gerð grein fyrir stöðu mála í útleigu íbúða í skólanum. Ákveðið var að auglýsa þær íbúðir sem eru lausar.
3. Brunavarnir
Lagt fram bréf, dags. 29. maí 2009, frá eldvarnaeftirlitinu um skoðun á ástandi brunavarna Þelamerkurskóla.
Efni bréfsins var vísað til skólastjórnenda til athugunar.
4. Skráning bókasafns
Gerð grein fyrir hugmynd um skráningu á bókasafni skólans, sem m.a. gengur út á að koma því inn í skráningarkerfið Gegni.
Ákveðið að hugmyndin verði skoðuð nánar með það í huga að hún komi til framkvæmda.