Fundargerð - 06. maí 2014
Þriðjudaginn 6. maí 2014 kl. 16:30 kom fræðslunefnd Hörgársveitar saman til fundar í Álfasteini.
Fundarmenn voru: Axel Grettisson, Garðar Lárusson og Sunna H. Jóhannesdóttir, nefndarmenn, og auk þess
Þetta gerðist:
Málefni Þelamerkurskóla:
1. Um námshópa og starfsmannahald skólaárið 2014-2015
Rætt um skiptingu nemenda í námshópa og starfsmannahald miðað við 82 nemendur á skólaárinu 2014-2015 og jafnframt um hugsanlegar breytingar á fjölda og samsetningu námshópanna.
2. Olweuskönnun, niðurstöður
Gerð grein fyrir niðurstöðum könnunar á árangri Olweusar-áætlunar gegn einelti, sem gerð var í febrúar 2014. Skv. henni er árangur áætlunarinnar mjög góður þriðja árið í röð
3. Verðskrá útleigu
Lögð fram drög að verðskrá fyrir útleigu o.fl. og tillögu að reglu um fyrirkomulag þegar um er að ræða félög í sveitarfélaginu.
Fræðslunefnd samþykkti að leggja til við sveitarstjórn að framlögð drög að verðskrá fyrir útleigu í Þelamerkurskóla verði samþykkt og ennfremur að eftirfarandi regla verði sett: Þegar húsnæði skólans og/eða búnaður hans er leigður hópum eða félögum í Hörgársveit skal gefa út reikning fyrir útleigunni. Óski leigutaki eftir að fá leiguna fellda niður getur hann sótt til sveitarstjórnar um styrk á móti henni.
Sameiginleg málefni:
4. Starfsáætlanir grunnskóla og leikskóla skólaárið 2014-2015, staðfesting
Lögð fram drög að skóladagatali Þelamerkurskóla og drög að skóladagatali Álfasteins fyrir skólaárið 2014-2015.
Fræðslunefnd samþykkti að staðfesta framlögð drög að starfsáætlunum Þelamerkurskóla og Álfasteins fyrir skólaárið 2014-2015.
Málefni Álfasteins:
5. Starfsmannahald, verklag við ákvarðanatöku
Rætt um hvort tilefni er til að viðhafa tiltekið verklag við árlega ákvarðanatöku um starfsmannahald í Álfasteini.
Fleira gerðist ekki fundi slitið kl. 18:30.