Fjárhagsáætlun 2011

Sveitarstjórn afgreiddi fjárhagsáætlun sveitarsjóðs og stofnana hans fyrir árið 2011 á fundi sínum 15. desember sl.

Heildarniðurstaða áætunarinnar er að afgangur upp á 20,4 millj. kr. verði af rekstri sveitarfélagsins á árinu 2011 (þ.e. aðalsjóðs, eignasjóðs og veitna). Veltufé frá rekstri er áætlað 41,4 millj. kr.

Vinna við áætlunina einkenndist nokkuð af því að um er að ræða fyrstu fjárhagsáætlunina fyrir heilt ár hjá sveitarfélaginu. Vegna þess er óvissa heldur meiri en ella um nokkra þætti, aðallega þó um væntanlegar tekjur af framlögum úr Jöfnunarsjóði sveitarfélaga.  

Skatttekjur eru áætlaðar alls 334,9 millj. kr. þar af útsvar 160,5 millj. kr. Af helstu málaflokkum eru fræðslumálin með mestu útgjöldin, alls 184,9 millj. kr. Næst í röðinni eru æskulýðs- og íþróttamál  með alls 26,6 millj. kr., félagsþjónusta með alls 17,9 millj. kr. og svo menningarmál með 14,6 millj. kr.

Ekki hafa verið teknar ákvarðanir um tilteknar framkvæmdir á vegum sveitarfélagsins á árinu 2011 að öðru leyti en því að gera úthlutaðar lóðir á Hjalteyri byggingarhæfar.

Yfirlit yfir fjárhagsáætlunina er hægt að sjá með því að smella hér.