31.10.2003
Mikil gleði var á árshátíð sem félagasamtök í Hörgárbyggð og Arnarneshreppi héldu um síðustu helgi í félagsheimilinu Hlíðarbæ. Félögin eru; Leikfélag Hörgdæla, Kirkjukór Möðruvallaklaustursprestakalls, Hestamannafélagið Framfari, Ungmennafélagið Smárinn og Ferðafélagið Hörgur. Skemmtiatriðin voru af ýmsum toga. Söngur, línudans og ævisöguútdráttur, þar sem Gylfi bóndi á Gásum fór á kostum, segjandi sögur af sjálfum sér og öðrum.
Um matinn sá Veisluþjónusta Kokkanna og Norðubandalagið sá um dansmúsikina.
